أنا فزعانة
ضحك
هزار كتير
وكلام
مجرد كلام
كلام بيتهيألى أنه لو كان بجد مقصود فعلا ماكنش إتقال خالص لازم أعترف بينى وبين نفسى أنى بحس بغباء ناس كتير أوى من الى بتعامل معاهم لأنهم مش فاهمين صح مش فاهمنى صح وده بيخنقنى أوى كلمة ما أحبش اقولها بس بجد هى كده أنا فعلا بتصعب عليا نفسى جدا والله العظيم أنا مش كده وما ينفعش أبدا أكون كده وماينفعش أنه حد يفتكر فيا كده
يعنى
فى ناس مجرد ناس لطيفة ومحترمة ودمها خفيف بحبهم فعلا وبحترمهم جدا وغالين عليا بجد والله مش هزار وعشان كده بقولهم أنى بحبهم بقولهم أنى بحبهم بشكل بسيط وعادى لأنى فعلا بحبهم بس حب بسيط وعادى حب ممكن يتعبر عنه بالكلام لكن مش حب بالمعنى الرومنسى خالص لأنى أصلا لما بحب واحد ودى حاجة بيتهيألى انها ماحصلتش معايا غير مرة واحدة بس فى حياتى أو ممكن تكون ماحصلتش اصلا المهم أنى لما بحب حد بجد مش بعرف أقوله بحبك كده عادى و لا بعرف أقوله كلام حلو أصلا يمكن بعبر عن حبى ده بتصرفات و إهتمام بجد أكتر ما بعبر عنه بكلام مظبوط أو متظبط
يبقى ليه بقى المخ يبقى صغير للدرجادى
ليه كل حد اشوفة مرة او اتكلم معاه مرة بألفة او بود او بقرب لازم تانى يوم الاقى حد سخيف يجى يقولى شكلك بتحبيه وشكله كده بيحبك لا بجد هترتبطوا امتى
يخربيت كده أنا مش نادية الجندى فى أفلامها فعلا حاجة تغييييييظ
ليه بنختصر كلمة حلوة أوى كده ذى كلمة بحبك ونخليها مش أكتر من كلمة وبالتالى نحولها من إحساس المفروض أنه الحل الوحيد لكل المشاكل لمشكلة فى حد ذاتها
أنا
مش
بحب
مابحبش حد خالص عشان أنا أصلا بحب على طول بحب مع أغنية بسمعها وتعجبنى ويبقى نفسى أوى لو تتقالى فبتصور أنه بطل فيلم من الأفلام الى بتعجبنى برضو هو الى بيقولهالى كلمة فى رواية اقراها وتعجبنى واتصور برضو أنها مكتوبة عشانى أنا كده ومعرفش ليه بس أنا كده وعشان الإعتراف يبقى حقيقى أكتر بقى الحالة دى مش فى شكل علاقتى بالحب بس دى فى كل حاجة فى حياتى الأحداث الى حصلت والى بتحصل ويمكن حتى الى لسة هتحصل كلها حالات أكتر من أنها أشخاص أو على الأقل أنا بشوفها كده مش عارفة ليه افتكرت دلوقتى جملة حوار من فيلم جنينة الأسماك
" أصل محدش بيشيل حد فإبتسمتى .. ملكى "
ضحك
هزار كتير
وكلام
مجرد كلام
كلام بيتهيألى أنه لو كان بجد مقصود فعلا ماكنش إتقال خالص لازم أعترف بينى وبين نفسى أنى بحس بغباء ناس كتير أوى من الى بتعامل معاهم لأنهم مش فاهمين صح مش فاهمنى صح وده بيخنقنى أوى كلمة ما أحبش اقولها بس بجد هى كده أنا فعلا بتصعب عليا نفسى جدا والله العظيم أنا مش كده وما ينفعش أبدا أكون كده وماينفعش أنه حد يفتكر فيا كده
يعنى
فى ناس مجرد ناس لطيفة ومحترمة ودمها خفيف بحبهم فعلا وبحترمهم جدا وغالين عليا بجد والله مش هزار وعشان كده بقولهم أنى بحبهم بقولهم أنى بحبهم بشكل بسيط وعادى لأنى فعلا بحبهم بس حب بسيط وعادى حب ممكن يتعبر عنه بالكلام لكن مش حب بالمعنى الرومنسى خالص لأنى أصلا لما بحب واحد ودى حاجة بيتهيألى انها ماحصلتش معايا غير مرة واحدة بس فى حياتى أو ممكن تكون ماحصلتش اصلا المهم أنى لما بحب حد بجد مش بعرف أقوله بحبك كده عادى و لا بعرف أقوله كلام حلو أصلا يمكن بعبر عن حبى ده بتصرفات و إهتمام بجد أكتر ما بعبر عنه بكلام مظبوط أو متظبط
يبقى ليه بقى المخ يبقى صغير للدرجادى
ليه كل حد اشوفة مرة او اتكلم معاه مرة بألفة او بود او بقرب لازم تانى يوم الاقى حد سخيف يجى يقولى شكلك بتحبيه وشكله كده بيحبك لا بجد هترتبطوا امتى
يخربيت كده أنا مش نادية الجندى فى أفلامها فعلا حاجة تغييييييظ
ليه بنختصر كلمة حلوة أوى كده ذى كلمة بحبك ونخليها مش أكتر من كلمة وبالتالى نحولها من إحساس المفروض أنه الحل الوحيد لكل المشاكل لمشكلة فى حد ذاتها
أنا
مش
بحب
مابحبش حد خالص عشان أنا أصلا بحب على طول بحب مع أغنية بسمعها وتعجبنى ويبقى نفسى أوى لو تتقالى فبتصور أنه بطل فيلم من الأفلام الى بتعجبنى برضو هو الى بيقولهالى كلمة فى رواية اقراها وتعجبنى واتصور برضو أنها مكتوبة عشانى أنا كده ومعرفش ليه بس أنا كده وعشان الإعتراف يبقى حقيقى أكتر بقى الحالة دى مش فى شكل علاقتى بالحب بس دى فى كل حاجة فى حياتى الأحداث الى حصلت والى بتحصل ويمكن حتى الى لسة هتحصل كلها حالات أكتر من أنها أشخاص أو على الأقل أنا بشوفها كده مش عارفة ليه افتكرت دلوقتى جملة حوار من فيلم جنينة الأسماك
" أصل محدش بيشيل حد فإبتسمتى .. ملكى "
